ក្រុមហ៊ុន​រថយន្ត Toyota ទើប​តែ​បាន​បង្ហាញ​ពី​តម្លៃ​នៃ​ម៉ូដែល Tundra TRD Pro ស៊េរី​ឆ្នាំ ២០១៩ ដែល​ជា​គូ​ប្រជែង​ដ៏​ធំ​របស់ Ford F-150 Raptor ។
យោង​តាម​គេហទំព័រ​រថយន្ត Cars Direct បាន​បង្ហាញ​ថា រថយន្ត Toyota Tundra TRD Pro មាន​តម្លៃ​ចាប់​ពី ៥១ ២៧៥ ដុល្លារ​នៅ​លើ​ទីផ្សារ​បរទេស។
ជាមួយ​នឹង​តម្លៃ​ប៉ុណ្ណេះ Tundra TRD Pro ទទួល​បាន​កំណែប្រែ​មួយ​ចំនួន ដូចជា ចង្កៀង​មុខ និង សំណាញ់​ប៉ាណា​ថ្មី​ជា​ដើម។ ក្រៅ​ពី​នេះ ក៏​នៅ​មាន​បន្ថែម​នូវ​ភ្លើង LED សម្រាប់​បើក Off-road , របាំង​ការពារ​បាត​ក្រោម​ផ្នែក​ខាង​មុខ , ដែក​ថ្ពក់​ផ្នែក​ខាង​មុខ , យ៉ាន់​អាលុយមីញ៉ូម ប្រភេទ BBS ទំហំ ១៨ អ៊ីញ ផង​ដែរ។